تعالوا نغني
تعالون نغني غنا الأيام الجاية كتير
ونفرح بيها سما السودان
تعالوا نلم ألوان الطيف
الفي الخرطوم أبناء شعبي
والفي أمدرمان
تعالوا نفكر أيه البيحصل في السودان
الجوع . . . المرض . . . الخوف
الشك عدم اطمئنان هد الإنسان
تعالوا نقعد نحسب خطوانا
من ما أخدنا الإستقلال
لحدي الآن
اتقدمنا ولا اتأخرنا . . . ؟
سؤال مطروح لى كل
فئه من فئة الشعب
بألف سؤال : دم اجدادنا
بيحرص فينا على الحرية
وبيذكرنا عشان ما نحافظ
على وحدتنا الوطنية
بس مكتسباتهم بصراعاتنا وبخلافاتنا
دفناها وبقت منسية
حقو نشوف من وين بتجينا مشاكلنا
ومنو البيعطل حركة شعبنا بالزندية
ونجيبوا نحاسبوا
بعدالة وبديمقراطية
أنا شايف الجوع بيطل
من وقت لآخر
ليه . . . وبلدنا . . . سهول
أطفال بيتشردوا في
الطرقات وبيأكلوا الذل
ومن المسئول
والحرب لعينة وممتدة وبتحصد فينا
ويا للهول ويا للهول
وبلدنا الغالية أم الخير
فيها كمان ظهر البترول
اشياءنا بتتناقض
وفي الواقع نحن كتير وكتير
بندور في الحلقة الواحدة
كما البندول
نكسرها كيف . . الحلقة
الواحدة دي نكسرها كيف ؟
ونمدها جسر يوصلنا
والدنيا عجول
يا حكامنا الدنيا عجول
يا ساستنا الدنيا عجول
يا جنرالاتنا الدنا عجول
يا سادتنا الدنيا عجول